வெட்கம்

 

வெட்கம் அல்லது அவமானம் எனப்படும் உணர்ச்சியானது பெரும்பான்மையாக ஒருவர் அவர்களின் முட்டாள்தனமான சிந்தனை, செயல் மற்றும் தார்மீக ரீதியாக முடிவுகளால் ஏற்படும் குற்ற உணர்வினால் ஏற்படும் ஓர் உணர்ச்சியாகும். இது தனிப்பட்ட மதிப்பிழப்பு, சுய வெறுப்பு மற்றும் அவமதிப்பு ஆகியவற்றை சார்ந்த ஓர் எதிர்மறை உணர்ச்சியாகும். உதாரணத்திற்கு, ஒருவரை மிகவும் மரியாதை மற்றும் அன்பும் கொண்ட நபராக நாம் நினைத்திருப்போம், அந்த நபரை அதே சிந்தனையுடன் சந்தித்து பல சந்தர்ப்பங்களில் நெருக்கமாக பழகி இருப்போம் ஆனால் அந்த நபர் நம் உணர்ச்சிகளை துளியும் கருத்தில் கொள்ளாமல், அவரின் தேவைக்காக மட்டுமே நம்மிடம் உண்மையான அன்பை பகிர்வது போல் பழகி இருப்பர் இது போன்ற முகமூடி நபர்களின் உண்மையான முகமூடி நமக்கு தெரியவரும் தருணத்தில் அந்த ஏமாற்றத்தினால் நமக்குள் ஏற்படும் ஒரு எதிர்மறை உணர்ச்சி வெட்கம் அல்லது அவமானம் என்று கருதப்படுகிறது.

வெட்கம் மற்றும் அவமானம் இந்த இரு சொல்லின் வேறுபாடுகள் என்ன :

இந்த இரு சொல்லுக்குள் அடங்கி இருக்கும் வெவ்வேறு அர்த்தங்களுக்குள் ஒளிந்திருக்கும் வேறுபாடு சிறிய அளவிலே இருக்கக்கூடும். இந்த இரு வார்த்தைகளுக்குள் இருக்கும் முக்கிய வேறுபாடு என்னவென்றால், "அவமானம்" என்பது மற்றவர்கள் உங்களைப் பற்றி என்ன நினைக்கிறார்கள் என்பதை  உங்களுக்கு உணர்த்தக்கூடிய ஓர் உணர்ச்சியாகும். மறுபுறம் "வெட்கம்" என்பது உங்களைப் பற்றி நீங்கள் என்ன நினைக்கிறீர்கள் என்பதைப் உங்களுக்கு உணர்த்தக்கூடிய ஓர் உணர்ச்சியாகும். இதற்கு சிறந்த உதாரணம் : நாம் தனியாகவும், நிதானமாகவும் இருக்கும் தருணத்தில் நம்மால் வெட்கத்தை எளிதில் உணர முடிவதில்லை, ஆனால் பெரும்பாண்மையான மக்கள் ஆவர்கள் தனியாக இருக்கும் தருணத்தில் அவமானத்தை நினைப்பதும், உணர்வதும் இயல்பான ஒன்று.

ஆகையால் நாம் இப்பதிவில் பார்க்கப்ப்போவது : 

● வெட்கம் எனப்படும் எதிர்மறை உணர்ச்சி எதனால் நாம் அனுபவிக்கின்றோம்❓

● எதுபோன்ற தருனங்களில் நாம்  வெட்கத்தை அனுபவிக்கின்றோம்❓ 

● வெட்கத்தினால் ஏற்படும் விளைவுகள்❓

● வெட்கத்தை எப்படி கையாள்வது❓

● வெட்கத்தின் அறிவியல் அடிப்படைகள் மற்றும் அதனால் ஏற்படும் தாக்கங்கள் என்ன❓

● எந்த மக்கள் அதிகமாக வெட்கத்தினால் அவதிப்படுகின்றனர்❓

பெரும்பான்மையான மக்கள் வெட்கத்தை பற்றிப் பேசுவதற்க்கே மிகவும் சங்கடமான அனுபவமாக உணர்கிறார்கள் மற்றும் அவ்வகையான மக்களில் பலர் இதனை பற்றி பேசவே மிகவும் சங்கடமாகவும், அச்சமாகவும், உணர்வதால் அவர்கள் இந்த உணர்ச்சியை சார்ந்த எண்ணம், கருத்து மற்றும் அனுபவங்களை எவரிடமும் பகிர்வதில்லை. மற்றும் அவர்கள் அதனால் ஏற்படும் விளைவுகளை உணராமல் அவர்களின் இயல்பு வாழ்வு, தனிப்பட்ட வாழ்வு, கல்வி வாழ்வு, தொழில் வாழ்வு போன்ற அணைத்து வாழ்விலும் கடினங்களை அவர்கள் தொடர்ந்து அனுபவித்து வருகின்றனர். மற்றும் அதனால் ஏற்படும் பின்விளைவுகளையும் கூட, இதில் பலர் மிகவும் மோசமான விளைவுகளையும் அனுபவிக்கிறார்கள் என்பது மறுக்கப்பட முடியாத உண்மை. அனால் அதனை நாம் மற்ற உணர்ச்சிகள் போன்று, வெட்கமும் மானிட உணர்ச்சிகளில் ஒன்று என்பதையும், நம் வாழ்வில் ஓர் அங்கம் என்பதையும் உணர்ந்து நம் இயல்பு வாழ்வில் அதனை சார்ந்த விடயங்களை நாம் நம் தினசரி வாழ்வில் நம் உணர்ச்சிகளை பகிர்ந்துகொள்ள பயன்படுத்தும் தொடர்புகளில் இதனையும் இயல்பாக பகிர்வதால் அதனால் ஏற்படும் எண்ணம் மற்றும் அனுபவங்களையும் நம்மால் இயல்பாக உணரவும், கடந்து செல்லவும் உதவும் மற்றும் இந்த ஏற்றுக்கொள்ளும் பக்குவதினால் நாம் நம் வாழ்வில் பல பிரெச்சனைகளை தவிர்க்கவும், தேவையற்ற சிந்தனைகளை தவிர்க்கவும், இலகுவாக உணரவும், இயல்பாக இருக்கவும் மற்றும் ஆரோக்கியமாக இருக்கவும் உதவும்.

நாம் நம் வாழ்வில் ஒரு முறையாவது அனைவரும் வெட்கத்தை உணர்ந்திருப்போம். உதாரணத்திற்கு பள்ளி, கல்லூரியிலோ, பணியிடத்திலோ, நண்பர்களிடத்திலோ, உறவினர்களிடத்திலோ, முகம் தெரியாதர்களிடத்திலோ, ஏன் நம் சொந்த குடும்பத்திலோ அல்லது, பெற்றோர் மற்றும் வாழ்க்கை துணையிடமோ ஏதோ ஒரு முறையாவதுன நாம் வெட்கத்தை அனுபவித்திருப்போம். வெட்கத்தை பொதுவாக நாம் உணரும் பொழுது, மற்றவர் நம்மை இப்படி பேசிவிட்டார்களே, அல்லது நினைத்துவிடுவார்களோ என்று இந்த உணர்ச்சி பெரிதளவில் மற்றவர்களின் தீர்ப்புப் பார்வையிலிருந்து தொடங்குகின்றது மற்றும் நமக்குப் விரும்பத்தகாத உணர்வை நமக்கு ஏற்படுத்துவதன் மூலம் திடீரென்று நம் வயிற்றில் ஒரு சங்கடமான உணர்வை ஏற்படுத்துகிறது. மற்றும் இதை நாம் எந்த இடத்திலும், எவர்களிடத்தில் உணர்ந்தாலும் இந்த உணர்ச்சி அந்த நொடியே நம்மை நாமே சிறுமையாகவும், தாழ்வாகவும் உணரச்செய்யும் அதனை தொடர்ந்து நாம் அந்த இடத்தில் இருந்தோ அல்லது அந்த நபரிடம் இருந்தோ உடனந்தியாக விலகிச்செல்ல சிந்திக்க வைக்கும். மற்றும் இவ்வகையான உணர்ச்சி மற்றும் அனுபவம் வெட்கத்தையும் உள்ளடக்கும் என்பது குறிப்பிடத்தக்கது. இதனால் இது உலகளாவிய விடயமாக கருதப்படுகின்றது.

குறிப்பாக, பெரும்பான்மையான பெற்றோர், "உங்களுக்கு வெட்கமாக இல்லையா?" என்று கேட்பது போன்ற ஒரு பிம்பத்தை உருவாக்குவார்கள், உண்மையில், குழந்தைப் பருவத்தில் நம் பெற்றோர் நம் மீது வைத்த விதிமுறைகளும் எதிர்பார்ப்புகளும் முதிர்வயது வரை நம்மைப் பாதிக்கும் அளவுக்கு, நாம் அத்தகைய அறிவுரைகளை முழுமையாக உள்வாங்கிக் கொண்டிருப்போம் சில விடயங்களில் உணர்ந்தும், பல விடயங்களில் உணராமலும் கூட.

ஆராய்ச்சியாளர்களின் அவமானத்தைப் பற்றி ஆய்வு பதிவின் வெளிப்பாட்டில் வெட்கப்படுவதற்கான தன்மை கொண்டிருப்பவர்கள் அவமானத்தை உணரும் தன்மை கொண்டவர்களாக கருதப்படுகின்றனர் அவ்வகையான மக்கள் பெரும்பாலும் குறைந்த சுயமரியாதையைக் கொண்டிருப்பதைக் கண்டறிந்துள்ளார் (அதாவது, ஒரு குறிப்பிட்ட அளவிலான சுயமரியாதை நம்மை அதிகப்படியான அவமான உணர்வுகளிலிருந்து பாதுகாக்கக்கூடும்). வெட்கப்படுவதற்கான தன்மை ஒருவரின் பிற உளவியல் பிரச்சினைகளுக்கான ஆபத்தையும் வெளிப்படுத்தும் என்று கண்டறிந்துள்ளனர் புலனாய்வாளர்கள். இது மானிட உணர்ச்சிகளின் மாற்றம், ஆழம் மற்றும் அற்புதத்தையும் வெளிப்படுத்துகிறது. 

பொதுவாக ஒருவர் வெட்கப்படுவதற்கு சில நிபந்தனைகள் ஒன்றிணைய வேண்டும்

2009 ஆம் ஆண்டு நடத்தப்பட்ட ஒரு ஆய்வில், இளம் பருவத்தினரின் மனச்சோர்வு அறிகுறிகளில் இந்தப் பண்பின் விளைவுகளை குறிப்பாக ஆராய்ந்தனர். இந்த திட்டத்தில் 11 முதல் 16 வயதுக்குட்பட்ட சுமார் 140 தன்னார்வலர்கள் சேர்க்கப்பட்டனர், மேலும் அதிக வெட்க-பிரதிபலிப்புத்தன்மையை வெளிப்படுத்திய வாலிபர்களுக்கும் மனச்சோர்வின் அறிகுறிகள் அதிகமாக இருப்பதைக் கண்டறிந்தனர். தற்போது வேறொரு பல்கலைக்கழகத்தை சேர்ந்தவர்கள் 2010 இல் தெரிவித்தது போல, வெட்க-பிரதிபலிப்புத்தன்மைக்கும் பதட்டக் கோளாறுகளுக்கும் இடையே ஒரு தொடர்பு இருப்பதாக கூறியுள்ளனர்.

பாலினம் மற்றும் வயது வேறுபாடுகள் :

2010 ஆம் ஆண்டில், ஒரு உளவியலாளர்கள் குழு, 13 முதல் 89 வயதுக்குட்பட்ட 2,600க்கும் மேற்பட்ட தன்னார்வலர்களிடம் அவமானத்தை ஆய்வு செய்தது, அவர்களில் பெரும்பாலோர் அமெரிக்காவில் வசித்து வந்தனர். ஆண்களும் பெண்களும் வெட்கத்தை வித்தியாசமாக வெளிப்படுத்துவது மட்டுமல்லாமல், மக்கள் அதை எவ்வளவு எளிதாக அனுபவிக்கிறார்கள் என்பதையும் வயது பாதிப்பையும்  கண்டறிந்தனர்: இளம் பருவத்தினர் இந்த உணர்வுக்கு மிகவும் ஆளாகிறார்கள்; 50 வயது வரை நடுத்தர வயதில் வெட்கத்திற்கான போக்கு குறைகிறது; பின்னர் வாழ்க்கையில் மக்கள் மீண்டும் எளிதில் வெட்கப்படுகிறார்கள். ஆசிரியர்கள் இந்த முறையை மனித ஆளுமை வளர்ச்சியின் செயல்பாடாகக் காண்கிறார்கள். வாலிபர்கள் மற்றும் இளைஞர்களின் அடையாளங்கள் முழுமையாக உருவாக்கப்படவில்லை; கூடுதலாக, இந்த வயதினரில் உள்ளவர்கள் சமூகத்தில் தங்கள் இடத்தை வரையறுக்கும் அனைத்து வகையான விதிமுறைகளுக்கும் இணங்குவார்கள் என்று எதிர்பார்க்கப்படுகிறது. இந்த வெளிப்புற எதிர்பார்ப்புகளை எவ்வாறு கையாள்வது என்பது குறித்த நிச்சயமற்ற தன்மை அவர்களை விரைவாக வெட்கமாக உணர வைக்கும். இதற்கு நேர்மாறாக, நடுத்தர வயதில், நமது குணாதிசயங்கள் அதிகமாகவோ அல்லது குறைவாகவோ அமைக்கப்பட்டுள்ளன, மேலும் விதிமுறைகள் குறைவான தாக்கத்தை ஏற்படுத்துகின்றன. ஆனால் நாம் முதுமைக்குள் நுழைந்து, நம் உடலிலும் தோற்றத்திலும் ஏற்படும் சரிவுகளைப் பற்றி கவலைப்படும்போது, ​​நாம் மீண்டும் சுயநினைவை உணரத் தொடங்குகிறோம் என்று இந்த ஆய்வு வெளிப்படுத்துகிறது.

குற்ற உணர்வும் வெட்கமும் : 

நாம் முன்பே படித்த வண்ணம், இவை இரண்டும் தொடர்புடையது ஆனால் வேறுபட்டது. மனிதர்கள் வெட்கத்தை உணர்கிறார்கள், ஏனெனில் அது நமது ஆரம்பகால மூதாதையர்களுக்கு ஒருவித பரிணாம நன்மையை வழங்கியது. உதாரணமாக, தனிநபர்கள் சமூக மரபுகளைப் பின்பற்றவும் மற்றவர்களின் நல்வாழ்வில் நிலைத்திருக்கவும் ஊக்குவிப்பதன் மூலம் ஒரு குழுவின் நல்வாழ்வை இது மேம்படுத்த முடியும்.

ஆனால் சில ஆராய்ச்சியாளர்கள் வெட்கமம் சமூக ரீதியாக ஆக்கபூர்வமான வழிகளில் நடந்துகொள்ளும் ஒருவரின் போக்கைக் குறைக்கிறது என்று வாதிடுகின்றனர்; மாறாக, வெட்கத்தின் உறவினரான குற்ற உணர்வு, சமூக ரீதியாக தகவமைப்பு நடத்தையை ஊக்குவிக்கிறது. மக்கள் பெரும்பாலும் வெட்கத்தையும் குற்ற உணர்வையும் ஒரே மாதிரியாகப் பேசுகிறார்கள், ஆனால் அவை இல்லை. வெட்கத்தைப் போலவே, நாம் தார்மீக, நெறிமுறை அல்லது மத விதிமுறைகளை மீறும்போதும், அதற்காக நம்மை நாமே விமர்சிக்கும்போதும் குற்ற உணர்வு ஏற்படுகிறது. வித்தியாசம் என்னவென்றால், நாம் வெட்கமாக உணரும்போது, ​​நம்மை எதிர்மறையான வெளிச்சத்தில் பார்க்கிறோம் "நான் மோசமான ஒன்றைச் செய்தேன்!", அதேசமயம் நாம் குற்ற உணர்ச்சியாக உணரும்போது, ​​ஒரு குறிப்பிட்ட செயலை எதிர்மறையாகப் பார்க்கிறோம் "நாம் மோசமான ஒன்றைச் செய்தோம்!". நமது செயல்கள் வேறொருவரைப் பாதித்ததால் நாம் குற்ற உணர்ச்சியை உணர்கிறோம், மேலும் நாம் அதற்கு பொறுப்பாகவும் உணர்கிறோம்.

"ஒரு இரவு முழுவதும் அதிகமாக மது அருந்திய பிறகு வேலைக்கு தாமதமாக வந்ததற்காக கண்டிக்கப்படும், என்னை நினைத்து நானே வெட்கப்படக்கூடிய ஒரு நபர், 'நான் மிகவும் வெட்கப்படக்கூடியவள்; என்னால் அதைச் சமாளிக்க முடியவில்லை' என்று நினைக்க வாய்ப்புள்ளது, அதே நேரத்தில் குற்ற உணர்ச்சிமிக்க ஒருவர், 'தாமதமாக வந்ததற்காக நான் வருத்தப்படுகிறேன். நான் என் சக ஊழியர்களை சிரமப்படுத்தினேன்' என்று நினைப்பார். வெட்க உணர்வுகள் வேதனையாகவும் பலவீனமாகவும் இருக்கலாம், ஒருவரின் சுய உணர்வைப் பாதிக்கலாம், மேலும் எதிர்மறையான தாக்கத்தின் தன்னைத்தானே தோற்கடிக்கும் சுழற்சியைத் தூண்டலாம்.... ஒப்பிடுகையில், குற்ற உணர்வுகள், வேதனையாக இருந்தாலும், வெட்கத்தை விட குறைவான செயலிழப்பு கொண்டவை மற்றும் இழப்பீடு அல்லது மாற்றத்தை நோக்கி ஒரு நேர்மறையான திசையில் தனிநபரை ஊக்குவிக்க வாய்ப்புள்ளது." ஏன் என்றால் நமக்கு குற்ற உணர்வு ஏற்படும் பொழுதெல்லாம் நாம் அந்த பிழை அல்லது குற்றத்தை தாண்டி, நாம் அந்த செயலை அப்படி செய்திருந்தால் சரியாக வந்திருக்க வாய்ப்பிருந்திருக்கும், அல்லது இப்படி செய்திருக்கலாமோ! அதை தவிர விடயங்கள் வேறு எவ்வழியில் செய்திருந்தால் சரியாக நடந்திருக்கும் அல்லது இனி அப்படி செய்யாமல் சரியாக எப்படி செய்யலாம்?  இது போன்ற சுய திருத்தத்தின் சிந்தனையே அங்கு பெரும்பான்மை வகிப்பதனால் குற்ற உணர்ச்சியில் நம் சிந்தனை வெட்கப்படுவதற்கு முக்கியத்துவம் அளிப்பதில்லை.

மேலும், குற்ற உணர்வு என்பது ஒரு நபர் பச்சாதாபம் கொண்டவராக இருக்க முடியும் என்பதற்கான அறிகுறியாகும், இது வேறொருவரின் பார்வையை எடுத்துக்கொள்ளும் திறனுக்கும், தன்னலமற்ற முறையில் நடந்துகொள்வதற்கும், நெருக்கமான, அக்கறையுள்ள உறவுகளைக் கொண்டிருப்பதற்கும் முக்கியமான ஒரு பண்பு. உண்மையில், நாம் நம்மை இன்னொருவரின் இடத்தில் வைத்து, நமது செயல் மற்றவருக்கு வலியை ஏற்படுத்தியது அல்லது தீங்கு விளைவித்தது என்பதை உணர்ந்தால் மட்டுமே நாம் குற்ற உணர்வை எளிமையாக உணர முடியும். பொதுவாக இளம் குழந்தைகளைப் போலவே, பச்சாதாபம் கொள்ள முடியாதவர்களால் குற்ற உணர்வை உணர முடியாது. குற்ற உணர்வு நம்மை மற்றவர்களுக்கு தீங்கு விளைவிப்பதில் இருந்து தடுக்கிறது மற்றும் பொது நன்மைக்காக உறவுகளை உருவாக்க ஊக்குவிக்கிறது. நாம் குற்ற உணர்ச்சியுடன் இருக்கும்போது, ​​நம் பார்வையை வெளிப்புறமாகத் திருப்பி, நாம் செய்த தீங்கை மாற்றியமைக்க உத்திகளைத் தேடுகிறோம். நாம் வெட்கப்படும்போது, ​​நம் கவனத்தை உள்நோக்கித் திருப்புகிறோம், முக்கியமாக நமக்குள் சுழலும் உணர்ச்சிகளில் கவனம் செலுத்துகிறோம், நம்மைச் சுற்றி என்ன நடக்கிறது என்பதைக் குறைவாகக் கவனிக்கிறோம். அதனாலே, அந்த நேரத்தில் நாம்  வருத்தத்திற்கும், வெட்கத்திற்கும் பெரிதளவில் இடம் கொடுக்காமல், சுய திருத்தத்தில் ஆர்வம் செலுத்துகிறோம்.

குற்ற உணர்வு மற்றும் பச்சாதாபத்தை தெளிவாக இணைக்கும் ஒரு ஆய்வு 2015 இல் வெளியிடப்பட்டது. அதில் எந்த அளவிற்கு வெட்கம் அல்லது குற்ற உணர்வை நோக்கிச் செல்கின்றன என்பதை முதலில் ஆய்வு செய்தனர். பின்னர் அவர்கள் 363 பங்கேற்பாளர்களையும் முகபாவனைகளைப் பார்த்து, அந்த நபர் கோபமாக இருக்கிறாரா, சோகமாக இருக்கிறாரா, மகிழ்ச்சியாக இருக்கிறாரா, பயமாக இருக்கிறாரா, வெறுப்பாக இருக்கிறாரா அல்லது வெட்கமாக இருக்கிறாரா என்பதைத் தீர்மானிக்கச் சொன்னார்கள். குற்ற உணர்வுக்கு ஆளாகும் தன்னார்வலர்கள் தங்கள் அவதானிப்புகளில் மிகவும் துல்லியமாக இருப்பதை நிரூபித்தனர்: வெட்கத்திற்கு ஆளாகும் தன்னார்வலர்களை விட மற்றவர்களின் உணர்ச்சிகளை அவர்களால் நன்றாக அடையாளம் காண முடிந்தது.

நிச்சயமாக, குற்ற உணர்வும் வெட்கமும் பெரும்பாலும் ஓரளவிற்கு ஒன்றாகவே நிகழ்கின்றன. குற்ற உணர்வு பலருக்கு வெட்கமான உணர்வைத் தூண்டக்கூடும், ஏனெனில் அவர்கள் தங்களைக் கருதும் தரத்திற்கும் குற்ற உணர்வை ஏற்படுத்திய செயலுக்கும் இடையிலான முரண்பாடு. நமது தவறான நடத்தையின் நோக்கம், அதைக் கண்டவர்களின் எண்ணிக்கை மற்றும் அந்த நபர்கள் நமக்கு எவ்வளவு முக்கியம் என்பது அதிகரிக்கும் போது குற்ற உணர்வுக்கும் வெட்கத்திற்கும் இடையிலான தொடர்பு வலுவடைகிறது. நமது செயலால் பாதிக்கப்பட்ட நபர் நம்மை நிராகரித்தாலோ அல்லது கண்டித்தாலோ வெட்கமும் அதிகரிக்கும் என்பது இது போன்ற சந்தர்ப்பங்களை அனுபவித்தவர்களுக்கு நன்றாக விளங்கும்.

குற்ற உணர்விலிருந்து விடுபடுவது பெரும்பாலும் வெட்கத்தை வெல்வதை விட எளிதானது, ஏனென்றால் நமது சமூகம் மன்னிப்பு கேட்பது, அபராதம் செலுத்துவது மற்றும் சிறைவாசம் அனுபவிப்பது உள்ளிட்ட குற்ற உணர்வைத் தூண்டும் குற்றங்களுக்குப் பரிகாரம் செய்ய பல வழிகளை பல காலங்களாக வழங்குகிறது. ஒப்புதல் வாக்குமூலம் போன்ற சில மத சடங்குகளும் குற்ற உணர்வைச் சமாளிக்க நமக்கு உதவக்கூடும். இத்தகைய காரணங்களினால் வெட்கம் உண்மையான நிலைத்திருக்கும் சக்தியைக் கொண்டுள்ளது.

சில வகையான குற்ற உணர்வுகள் அவமான உணர்வுக்கு ஆளாகக்கூடியது போலவே அழிவுகரமானதாக இருக்கலாம் - அதாவது, "சுதந்திரமாக மிதக்கும்" குற்ற உணர்வு (ஒரு குறிப்பிட்ட நிகழ்வுடன் இணைக்கப்படவில்லை) மற்றும் ஒருவரின் கட்டுப்பாட்டில் இல்லாத நிகழ்வுகள் குறித்த குற்ற உணர்வு. இருப்பினும், பொதுவாக, அவமானம் என்பது பெரும்பாலும் மிகவும் அழிவுகரமான உணர்ச்சியாகத் தோன்றுகிறது. எனவே, தங்கள் குற்றச்சாட்டுகளில் ஆக்கபூர்வமான நடத்தையை ஊக்குவிக்க விரும்பும் பெற்றோர்கள், ஆசிரியர்கள், நீதிபதிகள் மற்றும் உயர்ந்த பதவிகளிலும், பொறுப்புகளிலும் இருப்பவர்கள், மற்றவர்கள் விதிகளை மீறுபவர்களை அவமானப்படுத்துவதைத் தவிர்ப்பது நல்லது, அதற்கு பதிலாக அவர்களின் செயல்கள் மற்றவர்கள் மீது ஏற்படுத்தும் விளைவுகளை புரிந்துகொள்ளவும், அவர்கள் மீண்டும் அது செய்யாமள் இருக்க சிறந்த ஆரோக்கியமான அறிவுரைகளை வழங்குவதும் அவர்களின் மீறல்களுக்கு ஈடுசெய்ய நடவடிக்கை எடுக்கவும் அவர்களுக்கு உதவுவதைத் தேர்ந்தெடுப்பதும் சிறந்த வழியாகும்.

வெட்கம் எனப்படும் எதிர்மறை உணர்ச்சி எதனால் நாம் அனுபவிக்கின்றோம்❓

வெட்கம் என்பது ஒருவர் தனது மதிப்புகளுக்குப் பொருந்தாத ஒரு தேர்வைச் செய்த பிறகு, ஒரு வலுவான போதாமை அல்லது தகுதியற்ற உணர்வை உணரும்போது எழும் ஒரு உணர்ச்சி. அவர்களிடம் இயல்பாகவே ஏதோ தவறு இருப்பதால் இந்த மோசமான தேர்வைச் செய்ததாக அவர்கள் வெட்கத்தை உணரலாம். இந்த உள்முகப்படுத்தப்பட்ட சுயவிமர்சன உள் தீர்ப்புகளை உள்ளடக்கிய எதிர்மறை உணர்ச்சி பலரைப் போதுமானதாகவோ, தனிப்பட்ட அல்லது சமூக தரநிலைகளை பூர்த்தி செய்யத் தவறியதாகக் கருதப்படுவதால் அல்லது நேசிக்கப்படுவதற்குத் தகுதியற்றவர்களாகவோ உணர வைக்கும். 

எதுபோன்ற தருனங்களில் நாம்  வெட்கத்தை அனுபவிக்கின்றோம்❓

● வெட்கம் பெரும்பாலும் ஆழமாக வேரூன்றிய குறைபாடுள்ள அல்லது தகுதியற்றவர் என்ற உணர்வுகளிலிருந்து எழுகிறது, இது தனிப்பட்ட பாதுகாப்பின்மை, உணரப்பட்ட தவறுகள் அல்லது ரகசியங்களால் தூண்டப்படலாம். 

● நமது சொந்த எதிர்பார்ப்புகளையோ, சமூக விதிமுறைகளையோ அல்லது ஒழுக்கம் அல்லது மற்றவர்களின் தரங்களையோ நாம் பூர்த்தி செய்யத் தவறும்போது அவமானம் வெளிப்படும்.

● ஒருவரை மோசமானவர் என்று அடையாளப்படுத்துவதன் மூலம் வெட்கம் அதிகரிக்கும்.

● பயனற்ற தன்மை மற்றும் சக்தியற்ற தன்மை போன்ற உணர்வுகளை தூண்டி ஒருவரை ஒதுக்கும் தருணத்தில் வெட்கம் அதிகரிக்கும்.

● ஒருவர் குற்ற உணர்வு உணரும் நேரம் அனைத்தும் வெட்கம் உடனடியாக தூண்டப்படுகிறது.

● எந்த இடத்தில நாம் குறைந்த அளவிலான சுயமரியாதை அல்லது சுயமரியாதையை இழந்து உணரப்படுகின்றோமோ அங்கு வெட்கம் தூண்டப்படுகிறது.

● நச்சு வெட்கம் என்பது மிகவும் தீவிரமான மற்றும் நீடித்த வெட்கமாக கருதப்படுகின்றது, உங்கள் மேல் தவறு இருந்தாலும் இல்லை என்றாலும்நீங்கள் அடிப்படையில் தவறானவர், தாழ்ந்தவர் மற்றும் பயனற்றவர் என்று நம்புவதற்கு தூண்டப்படுகிறது.

● நீங்கள் மிகவும் விரும்பிய ஒரு செயலை செய்து அதில் நீங்கள் எதிர்ப்பார்த்த முடிவை பெறாத தருணத்தில் வெட்கம் உருவாகின்றது.

வெட்கத்தினால் ஏற்படும் விளைவுகள்❓

●  நமது உள்ளார்ந்த எண்ணங்களையும் உணர்வுகளையும் பகிர்ந்து கொள்வது நம்மை தீர்ப்பு அல்லது விமர்சனத்திற்கு ஆளாக்கும் என்பதால், வெட்கம் பெரும்பாலும் பாதிப்புடன் பின்னிப் பிணைந்துள்ளது. 

●  வெட்கத்தை அனுபவிப்பது பல்வேறு எதிர்மறை விளைவுகளுக்கு வழிவகுக்கும், இதில் குறைந்த சுயமரியாதை, பதட்டம், மனச்சோர்வு மற்றும் உடல் ஆரோக்கிய பிரச்சினைகள் கூட இருக்கலாம், இது உறவுகள், தொழில், உடல் மற்றும் மன ஆரோக்கியம் போன்று ஒட்டுமொத்த நல்வாழ்வைப் பாதிக்கும்.

●  நாள்பட்ட வெட்கம், பதட்டக் கோளாறுகள் மற்றும் மனச்சோர்வை வளர்ப்பதற்கு ஒரு குறிப்பிடத்தக்க ஆபத்து காரணியாக இருக்கின்றது.

●  தீர்ப்பு அல்லது நிராகரிப்பின் காரணத்தினால் வெட்கம் தனிநபர்களை சமூக தொடர்புகளிலிருந்து பின்வாங்கச் செய்யும் அபாயம் உள்ளது.

●  பொதுவாக தனிநபர்கள் நம்புவதற்கு அல்லது அவர்களால் நாம் பாதிக்கப்பட வாய்ப்பிருக்கலாம் என்னும் அச்சம் போன்ற போராட்டத்தினால் வெட்கம் ஆரோக்கியமான உறவுகளை உருவாக்குவதற்கும் பராமரிப்பதற்கும் தடைகளை உருவாக்குகின்றது.

●  அதிக அளவில் வெட்கத்தை அனுபவிப்பதினால் அதனை மறக்க தவறான பழக்கங்கள் மற்றும் சுய-தீங்கு போன்ற ஆபத்தான நடத்தைகளுக்கு வழிவகுக்கும்.

●  இது போன்ற சந்தர்ப்பங்களில், தனிநபர்கள் தங்கள் உணர்வுகளைச் சமாளிக்கப் போராடும்போது, ​​அவமானம் கோபமாகவோ அல்லது ஆக்ரோஷமாகவோ வெளிப்படுகின்றது.

●  மற்றவர்களால் சூழப்பட்டிருந்தாலும் கூட, வெட்கம் தனிமை உணர்வுக்கும் வெறுமை உணர்விற்கும் வழிவகுக்கின்றது.

●  அதிக அளவிலானவெட்கத்தின் பாதிப்பு தலைவலி, வயிற்று வலி, சோர்வு மற்றும் தூக்கமின்மை உள்ளிட்ட பல்வேறு உடல் ஆரோக்கிய சிரமங்களுக்கு உள்ளாக்கும்.

●  இதனால் பாதிக்கப்டும் பொழுது நமது குணாதிசயங்களிலும் அன்றாட நடவடிக்கைகளிலும் மிகப்பெரிய தாக்கத்தை ஏற்படுத்துகிறது.

வெட்கத்தின் அறிவியல் அடிப்படைகள் மற்றும் அதனால் ஏற்படும் தாக்கங்கள் என்ன❓

● வெட்கம் என்பது ஒரு சிக்கலான உணர்ச்சியாகும் மற்றும் இது "மனச் சிதைவுடன்" தொடர்புடையது. இது சமூக மதிப்பிழப்பு மற்றும் எதிர்மறை சுய மதிப்பீட்டிலிருந்து எழுகிறது என்பதால் வெட்கப்படுபவர்கள் தங்கள் முழு சுயமும் பயனற்றது, சக்தியற்றது மற்றும் சிறியது என்று உணர்கிறார்கள். இது உடலியல் மற்றும் உளவியல் ரீதியான மாற்றங்களை தூண்டுகிறது. மேலும், குறைந்த சுயமரியாதை, பதட்டம் மற்றும் உறவுச் சிக்கல்கள் போன்ற பல்வேறு எதிர்மறை விளைவுகளுக்கு வழிவகுக்கின்றது.

● மற்றவர்களால் எதிர்மறையாக மதிப்பிடப்படுவோமோ அல்லது நிராகரிக்கப்படுவோமோ என்ற அச்சத்தால் வெட்கம் பெரும்பாலும் சமூக மதிப்பிழப்பு மற்றும் சுய மதிப்பிழப்பை தூண்டப்படுகிறது.

●  அறிவியல் ஆய்வுகளில் வெட்கம் ஒரு சிக்கலான நரம்பியல் செயல்முறையைக் குறிக்கிறது.

●  வெட்கம் அனுதாப நரம்பு மண்டலத்தைத் தூண்டி, மன அழுத்த எதிர்வினையைப் போலவே, முகம் சிவத்தல், இதயத் துடிப்பு அதிகரிப்பு மற்றும் வியர்வை போன்ற உடல் அறிகுறிகளின் மூலம் வெளிப்படுகின்றது.

எந்த மக்கள் அதிகமாக வெட்கத்தினால் அவதிப்படுகின்றனர்❓

பாலியல் துஷ்பிரயோகம், மன துஷ்பிரயோகம், பாலினம், உடல் மற்றும் மன நிலை, இயலாமை, ஒதுக்கப்பட்ட மக்கள், இனப்பாகுபாடு, பொதுவெளியில் கலிங்கத்தினால் பாதிக்கப்பட்ட மக்கள், பாலியல் ஈர்ப்புத்தன்மை, எடை அல்லது கலாச்சார சீர்குலைவு போன்ற காரணிகளால் சிறுபான்மையை பெரிதளவில் உள்ளடக்கிய சிந்தனையால் மன அழுத்தத்தை அனுபவிப்பவர்கள் உட்பட, களங்கப்படுத்தப்பட்ட சமூகப் பிரிவுகளைச் சேர்ந்தவர்கள் என பள்ளி குழந்தைகள் முதல், முதியவர் வரை வயது பாகுபாடின்றியும், வறுமைக்கோட்டுக்கு கீழ் உள்ள மக்கள் முதல், உலக பணக்காரர்களின் பட்டியலில் இடம்பெற்ற மக்கள் வரை, பிறரை நோக்கத்துடன் காயம் மற்றும் அவமானப்படுத்தும் மக்கள் முதல், தன்னை அவமானப்படுத்தியவருக்கும் நலன் விரும்பும் நபர் வரை அனைவரும் வெட்கத்தை அவர்களின் வாழ்வில் எதிர்கொள்கின்றனர். 

மற்றும் பலர் பிறரின் வெட்கம் போன்ற உணர்ச்சிகளை அவர்களுக்கு சாதகமாக பயன்படுத்தி மற்றவரை கேலி செய்யவும், அவமானப்படுத்தவும், துஷ்பிரயோகத்திற்கும் உள்ளாக்குகின்றனர்.  "இது போன்ற நபர்களிடம் பாதுகாப்பாக இருக்கவேண்டுயது அவசியம்".

வெட்கத்தை எப்படி கையாள்வது❓

வெட்க உணர்வு மற்றும் பாதிப்பு இருளில் ஒளிந்திருக்கும் ஒன்று என்பதால், அதனை வெளிச்சத்திற்கு கொண்டு வரவும். அதனால் அதில் இருந்து வெளிவருது எளிதாகிறது. நீங்கள் வெட்கப்படுவதற்கு முதல் மற்றும் மூல காரணத்தை கண்டறிந்து, அதனை சரி செய்ய முயற்சிக்கவும்  /  வெட்கத்தை சமாளிக்க, சுய இறக்கத்திற்கு முன்னுரிமை வழங்கவும் / எதிர்மறை சுய பேச்சை அல்லது சிந்தனையை அடையாளம் கண்டு நிறுத்தவும் / நீங்கள் உங்களை நீங்களாகவே ஏற்றுக்கொள்ளும் பக்குவத்தை பெற வேண்டும் / மூச்சுப்பயிற்சி, தியானம் போன்ற பயிற்சிகளின் மூலம் மன அமைதி மற்றும் மனத்தெளிவை மேம்படுத்தவும் / உங்களின் தவறுகளை ஏற்றுக்கொள்ளும் பக்குவத்தை பெற வேண்டும் / வெட்கத்திற்கு எதிராக ஒரு நிலைப்பாட்டை எடுக்கவும் / உங்களை நீங்கள் மன்னிக்கும் பக்குவத்தை பெற வேண்டும் / உங்களின் எதிர்மறை எண்ணங்களை எதிர்க்கும் நேர்மறை எங்களுக்கு முக்கியத்துவம் அளித்து எதிர்மறை எண்ணங்களை சவால் செய்யும் பக்குவத்தை பெற வேண்டும் / கடந்தகால வெட்கத்தின் அனுபவங்களை குறைத்து, எதிர்கால முன்னேற்ற சிந்தனைக்கு முன்னுரிமை வழங்கவும் / உங்களை நீங்களே விமர்சித்துக்கொள்ளும் பக்குவத்தை பெற வேண்டும் / நெகிழ்ச்சியான சிந்தனை மற்றும் செயலை அதிகரிக்கவும் / அதிகப்படியாக சிந்தித்து வெட்கத்தை அதிகரிப்பதை தவிர்க்கவும் / உங்களின் நம்பிக்கை நபரின் உதவியை நாடவும் / வெட்கத்தை சமாளிக்க சிகிச்சை அல்லது ஆதரவு நபர் அல்லது குழுக்களை அணுகவும்.

இந்த வழிமுறைகளை கடை பிடிப்பதில் நீங்கள் கடினமாக உணர்ந்தாள் முகப்பு பக்கத்தில் இருக்கும் " BOOK YOUR SESSION" என்ற எழுத்தை அழுத்தவும்.